Syiiran sunda anak yatim

Deudeuh anjeun anak yatim

Kaum duafa katalangsara

Asih nu jadi bapa bapak

Kiwari tos teu aya

Hirup ngajadi tunggara

Kasadaya jalmi aya

Naha anjeun henteu malire

Na anjeun rek tega

Poho parentah agama

Tuh tingali duafa katalangsara

Piraku rek tega

Kamana atuh kamana anu benghar

Anak yatim keur prihatin

Tisaha atuh tisaha anak yatim

Miharep deudeuh ka heman

Ya Allah mugi maparin kakiatan

Anak yatim sing sabar tawakal

Mugia bagja mapag ngusir talangsa

Milik rizqi nu jembar halal 

Kenging rido Nu Kawasa

Duh nu balenghar mugia taat agama.

Inggis gusti Alloh murka

Melang ku ancaman alquran

Sieun jadi pembohong agama

Nadhom Anak Yatim Bahasa Sunda

Kanjeng Nabi ngajamin ka Anak yatim

dina ‘idil fitri pang saena musim

Bade angkat ka Masjid bade netepan

‘idil fitri aya budak seuseugrukan

Nangis pipir masjid baturna Arulin

Rayap rame seunang bungah keur arulin

Manehna nyalindung semu seudih bingung

Kanggo kawai tambal butut ngalanglayung

Kapendak ku Rasululloh ros di bujeng

Ditaros kunaon nangis bae ujang

Pan ieu the dinteun bungah dinteun seunang

Geuning ujang nangis kawas eukeur bingung

Jawabna teh aduh Gusti buktos pisan

Ieu dinteun bungah dinteun seuneung pisan

Seuneung soteh ka jalma nugaduh rama

Keur ka abdi mah ngaraos teu sugema

Ku ayana ‘idil fitri manah ringrang

Ingeut kana diri hirup teh nyorangan

Kiyeu rasana nudi tilar ku rama

Hirup sangsara beda sareng sasaha

Teuras ku Rasul teh dipangku dirau

Aduh ujang tos ngahudang macan turu

Na iraha jeung di mana rama tilar

Jawabna teh ceunah waktos peurang badar

Nudi pingpina ku kanjeng Rasululloh

Duka teuing anu mana heunteu wawuh

Abdi ngagangsing hoyong meser anggoan

Kanggo senang bungah sareung rerencangan

Tapi ibu ka abdi kalakah pundung

Atos tilu dinteun ieu abdi pundung

Aduh kasep nyaah deudeuh teuing ujang

Apan ieu rama gusti rama ujang

Hayu urang ngadeuheus enggal ka Ibu

Aisyah di bumi urang gentos baju

Dauh asyah teh diyeu putra ibu

Tos timana urang siram gentos baju

Kanjeng Rasul bari nangis hey Aisyah

Ieu putra urang anu nuju susah

Nyaeta ramana teh parantos tilar

Dina waktos papukeutna peurang badar

Hey Fatimah ieu angkeun rai anjeun

Hey Ali geura araku dulur anjeun

Mana cucu deudeuh Hasan sareng Husein

Ieu mamang anjeun geura ajak ulin

Fatimah Ali Hasan Husein mideudeuh

Ngankeun dulur rai teras dibubungah

Dugika keun leungit rasa kayatiman

Ngangkeun ibu rama Rasul anu Heiman

Saur Hasan Husein yu mang urang ulin

Sareung batur urang ameung ulin lilin

Teras ameung suka bungah ulin gatrik

Rasul teuras ngalakonan ‘idil fitri

Tah sakitu riwayatna Nabi urang

Ngajamin ka anak yatim conto urang

Pikeun conto urang keur hirup di dunia

Tiru ahwal ucap kanjeung anu mulya

Mudah-mudahan urang husnul khotimah

Maot teuteup iman islam pasti geunah

Susuganan ieu ageung manfaatna

Kanu maca anu butuh syafa’atna

Sareung urang diangkeun pisan umatna

Umat kanjeung umat anu pang mulyana

Sareung urang ngareup-ngareup syafa’atna

Anu dingaranan syafa’atul udma

Aamiin aamiin aamiin yaarobbal ‘alamiin

Ditutup ku muji ka Rabbul ‘alamin

Penulis #udayalhusna